Semînera bi taştê: REWŞA MAFÊ MIROVAN LI TURKIYE

Dem: 24 cotmeh 2017, demjimêr: 9.00-10.00, taştê: 8.30
Navnîşan: Amnesty International, Alsnögatan 11, Stockholm

Rêvebira saziya Amnesty International kampanyayên Turkiyê Milena Buyum, li Stockholmê mêvana Amnestya Swêdê ye.

Milena li saziya Amnestyê rêvebira tîma Turkiyê dike û kampanya azadiya "10 girtiyên li Istanbul"ê ku niha di zindanê de ne û di nav wan de rêvebirên Amnestya Turkiyê Taner Kiliç, Idil Eser, hemwelatiyê Swêdê Ali Ghravi û ê Elmanya Peter Steudtner jî heye, rêve dibe.

Li Turkiyê rewşa mafê mirovan rojbiroj xiraptir dibe. Girtin û bêdengkirina deng û hêzên muxalif didome. Zêdeyî 110 hezar polîs, dadgêr, parêzêr, mamoste û akademîsyen ji kar hatin avêtin. Zexta li dijî siyasetvan û rêvebirên sendîqeyan, ji hêla westandina rûhî ve dom dike. 

Milena dê rewşa mafê mirovan li Turkiyê binirxîne û qala xebatên Amnestyê derbarê pirsê bike. Semîner bi Ingilîzî ye.

Moderator: Brittis Edman, policy şefa Amnestyê

Kesên bixwazin beşdar bibin divê hetanî 23 Cotmehê me agehdar bikin û navên xwe, saziya lê dixebitin û alerjiyên xwe ên xwarinê ji me rê bikin.

E posta me: sara.nilsson-tesfamichael@amnesty.se 

Hûn bi xêr bên.

ROJBÛNA DÎREKTORA AMNESTY TURKIYE IDIL ESER LI STOCHOLM HOLA MEDBORGARPLATSENÊ TÊ PÎROZ KIRIN

Rêzgirtina mafê mirovan li Turkiyê, taybetî piştî cunta leşkerî a têkçûyî xiraptir bûye. Azadiya 50 hezar kesan hatiye sînorkirin, gelek komele hatin girtin û bêdengkirina medya bêalî îro jî didome. Zêdeyî 100 hezar kes; bijijk, hiquqnas, mamoste û polîs ji sucên terorê ji kar hatin avêtin.

5 tîrmehê 10 parêzvanên mafê mirovan hatin girtin. Di 18 ê heman mehê de, derheqê 6 kesan de biryara domandina girtinê dan û ew xistin hefsê. Di nav girtiyan de dîrektora Amnesty Turkiyê Idil Eser û ji Swêdê, pisporê IT ê Ali Gharavi jî heye. Biryara girtinê, piştî girtina Serokê Amnesty Turkiyê Taner Kiliç bi mehekê hat dayîn.

Saziya Amnesty International di 14/10 kewçêrê de, bi armanca balê bikşîne rewşa mafê mirovan li Turkiyê kampanyeke giloverî, seranserî cîhanê dide destpêkirin. Koma 06-Turkiyê li Amnesty Swêdê jî heman kampanyayê, di 14 kewçêrê, saet 14.30 an li meydana Medborgarplatsen dide dest pê kirin. Di heman çalakiyê de dê rojbûna dîrektora Amnesty Turkiye Idil Eser jî bê pîroz kirin.

Çalakiya li Medborgarplatsenê bi axaftina Sekretera Giştî Amnesty Swêdê Anna Lindenforsê dest pê dike. Lindenfors dê derbarê mafê mirovan li Turkiyê û daweyên li dijî parezvanên mafê mirovan, Kiliç, Eser û ên din qise bike. Cîgirê serokê Amnesty Stockholmê û serokê koma Amnesty 06-Turkiyê, Zarathustra Acat dê li ser heman mijarê bi turkî biaxive. Li Medborgarplatsenê ê konê Amnesty bê danîn û li wir bi mêvanên beşdar re dê rojbûna Idil Eserê bê pîroz kirin û mêvan şêraniyê tam bikin.

Çalakî dê ji beşdarbûna xelkê re vekirî be û çalakvan ji bo azadiya parazvanên mafê mirovan îmzeyan berhev bikin. Medya, endam û dostên Amnestyê hatine vexwendin.

Stockholm ”Amnesty 06-Koma Turkiyê”